काठमाडौं । मध्यपुर ठिमीको कौशलटारबाट घरपेटी र डेरामा बस्नेको कोठमाबाट करिब ५ लाख बराबरको नगद र गहना चोरी भएको प्रहरीले जनाएको छ ।
मध्यपुर नगरपालिका–३ कौशलटार बस्ने रत्न पौडेलको घरबाट कोही नभएको अवस्थामा नगद ४५ हजार र सुनका विभिन्न गर–गहना गरी करीव २ लाख १० हजारको धनमाल चोरी भएको छ ।
त्यसैगरी सोही घरको भुइँतलामा डेरा गरी बस्ने झापा चन्द्रगढीका ३१ वर्षीय बिपिन घिमिरेको कोठाबाट नगद ९० हजार र सुनका विभिन्न गरगहना समेत गरी करीब ३ लाख रूपैयाँ बराबरको धनमाल आइतबार चोरी भएको छ ।
चोरहरूको खोजी गर्नुको साथै घटनाका सम्बन्धमा स्थानीय प्रहरीले आवश्यक अनुसन्धान गरिरहेको छ ।
Categorized in समाज
