काठमाडौं । न्यूरोडबाट दिउँसो १६ लाख लुटिएको खवरले महानगरीय प्रहरी वृत्त, जनसेवाका प्रहरी दिनभरी तनावमा देखिए ।
प्रहरी कन्ट्रोल १०० मा न्यूरोडबाट दिउँसै १६ लाख लुटिएको खवरसँगै प्रहरी अलर्ट भएर लुटेराको खोजीमा लागे तर हात लाग्यो शून्य भएपछि खवर गर्नेलाई प्रहरीले अनुसन्धामा ल्यायो ।
अनुसन्धानपछि थाहा भयो खवर गर्नेले नै १६ लाख लुकाएर झूठो खवर दिएको पत्ता लाग्यो ।
प्रहरीलाई भूmठो सुचना दिने भारतको नवाफगञ्जका २२ वर्षीय मनिषकुमार शाह भएको खुल्यो । न्यूरोडका व्यापारी दीपककुमार गोयलको गोयल एजेन्सीमा पैसा संकलन गर्ने शाहले ग्लोबल आईएमई बैंकमा पैसा राख्न जाँदा कालो रङको पल्सर मोटरसाइकलमा आएका व्यक्तिले लुटेको झुठो खबर प्रहरीलाई दिएको थियो ।
प्रहरीले पछि शाहलाई नै अनुसन्धानमा ल्याएर खोजविन गरेपछि सिसी टिभी फुटेज नियाल्दा शाहले भनेजस्तो कुनै व्यक्ति पनि नआएको र पैसा पनि नलुटिएको पोल खुल्यो ।
त्यसपछि प्रहरीले शाह बस्ने डल्लुस्थित कोठमा गएर खोजविन गर्दा टिभी पछाडी पैसा लुकाएर झुठो खवर फैलाएको रहेको छ ।
उनले प्रहरीलाई पैसाको प्रभोलनमा परेर आफूले त्यसो गरेको बयान दिए ।
Categorized in समाज
