काठमाडौं । ललितपुर महानगरपालिकाका मेयर चिरिबाबु महर्जनले गाडीको सुविधालाई त्यागेर विरुवामा पानी हल्ने २ वटा आधुनिक टयांकर किनेका छन ।
मेयर महर्जनको लागी गाडी किन्न छुटयाएको एक करोड रुपियाँले टयांकर किनेको बताएका छन । उनले विस्तारित चक्रपथमा रोपिएका विरुवा संरक्षणका लागि गाडी किन्ने बजेटले २ वटा ट्यांकर किनेको हो ।
मेयर चिरिबाबुका अनुासर नयाँ रोपिएका विरुवालाई हिउँदमा पानी हाल्न प्रयोजनको लागि टयांकर किनेको बताउँदै विरुवा संरक्षणमा महानगरको दायित्व रहेको जानकारी दिए ।
चक्रपथमा नयाँ रोपिएका २४ सय विरुवामध्ये २ हजार बढी ललितपुर महानगरभित्र रहेकोले विशेष सुविधा युक्त यस टयांकरले अग्ला विरुवामा पानी हाल्न र सडक सफा गर्न पनि सकिने चिरिबाबुले बताए ।
यतिखेर उनी टोयोटाको २० बर्ष पुरानो बा ३ प २३८३ गाडी चढिरहेका छन ।
Categorized in समाज
