काठमाडौं । धनगढी बम विस्फोटनमा घाईते भएका एक जनाको मृत्यु भएको छ ।
घाईते राम सिंहको उपचारको क्रममा माया मेट्रो अस्पतालमा गएराती मृत्यु भएको प्रहरीले जनाएको छ ।
विहिवार बेलुका धनगढी उपमहानगरपालिका–४, शहीद गेटस्थित नीलम होटलमा बिहीबार भएको बम विस्फोट हुँदा ५ जना घाईते भएका थिए ।
त्यसैगर अन्य घाईतेहरु बेलौरी–५ का लक्ष्मण सेरला, मोबिन खान, जितेन्द्र यादव र धनगढी–४, बोराडाडीका केशवराज पाण्डेको सोही अस्पतालमा उपचार भईरहेको छ ।
प्रहरीका अनुसार मृतक राम आफैंले बोकेको बम विस्फोट हुँदा उनी गम्भिर घाईते भएका थिए । उनको शव अहिले पोस्टमार्टमका लागि सेती अञ्चल अस्पतालमा राखिएको छ ।
बझाङका स्थायी बासिन्दा राम विप्लव समूका कार्यकर्ता भएको प्रहरीको भनाई छ ।
Categorized in समाज
