कामठाडौं । नेपाल कम्युनिष्ट पार्टीकी सांसद पम्फा भुसालले सैनिक र श्रीमती जस्ता संघहरु खारेजी हुनु पर्ने माग राखेकी छिन ।
आईतबार संसदमा बोल्दै उनले अहिले विद्यमान सैनिक श्रीमती संघ, नेपाल प्रहरी श्रीमती संघ, सशस्त्र प्रहरी श्रीमती संघ, निजामती कर्मचारी श्रीमती संघजस्ता संस्था क्रियाशील रहनु गणतन्त्रसँग मेल नखाने बताए ।
उनले श्रीमानको हैसियतको आधारमा निर्माण भएका संस्थाहरु राज्यको स्रोत साधानबाट सञ्चालित सामन्ती पितृसत्तावादी संस्थाको यथासिघ्र खारेजीको माग गरेकी छिन ।
मुलुकमा गणतन्त्र आईसकेकोले अब पनि श्रीमानका आधारमा श्रीमतीले सुविधा लिने, परिवारका नाममा परिवारका सदस्यले सुविधा लिने व्यवस्थाको अन्त्य आवश्यक छ ।
उनले राज्यका महत्वपूर्ण निकायहरु सेना प्रहरी र निजामती प्रशासनमा अहिले पनि त्यसको धङधङी बाँकी नै देखिएको यस्ता संघहरुको खारेजीको लागि सरकारले कदम चाल्नु पर्ने सुझाव दिएकी थिईन ।
Categorized in राष्ट्रिय
