काठमाडौं । प्रधानमन्त्री केपी शर्मा ओलीले कसैको दवाबमा विषादी जाँचपास नरोकिएको बताएको छ ।
शनिवार संसदीय दलको बैठकलाई सम्बोधन गर्दै प्रधानमन्त्री ओलीले कतै –कसैबाट आएको दवाबले सरकार पछि नहटेको उल्लेख गरे ।
भारतबाट दबावमुलक पत्र आएपछि सरकारपछि हटेको समाचार प्रति इंगित गर्दै प्रधानमन्त्री ओलीले भारतबाट पत्र आएको थाहा नपाएको र कसले पढ्यो त्यो पत्र आफूले नबुझेको बताए ।
प्रम ओलीले मन्त्रालयहरुबाटै प्रयाप्त तयारी नभएको प्रस्ताव आएपछि सरकार तत्काललाई पछि हटेको जानकारी दिँदै क्वारेन्टाइनहरू सुदृढ गरिएपछि विषादी जाँचपास सुचारु हुने भनाई राखे ।
सरकारको चाहाना जनताले शुद्ध र विषरहित खानेकुरा खान पाउन भन्ने हो, त्यसैल हामी अर्गानिक बनाउँन चाहन्छौं । खाने कुरा शुद्ध होस् हाम्रो भान्सामा विष नपुगोस । त्यो हाम्रो आकांक्षा हो । चाहना हो । र, यसलाई हामी पूरा गर्छौं ।’ प्रधामन्त्री ओलले भने ।
विषादी जाँचपास विना नै तरकरारी नेपाल भित्रीरहेको समाचार बाहिर आएपछि सरकारको यतिखरे कडा आलोचना भईरहेको छ ।
Categorized in राष्ट्रिय
