काठमाडौं । रुपेन्देहीको सैनामानामा बसले मोटरसाईकललाई ठक्कर दिँदा मोटरसाईकलमा आगालागी हुँदा २ जनाको मृत्यु भएको छ ।
पूर्व–पश्चिम राजमार्गअन्तर्गत सैनामैना नगरपालिका–६, कलोनीमा गएराति महेन्द्रनगरबाट काठमाडौं जाँदै गरेको ना ७ ख ५९४८ नम्बरको बसले लु ८ प ८४७५ नम्बरको मोटरसाइकललाई ठक्कर दिएको थियो ।
ठक्कर लगत्तै मोटरसाइकलमा आगो लागेको र जलेर दुई जनाको ज्यान गएको इलाका प्रहरीले जनाएको छ ।
प्रहरीको अनुसार शव जलेको कारण उनीहरुसँग भएको कागजपत्र पनि जलेकोले पहिचान हुन सकेको छैन ।
घटनाबारे अनुसन्धान गर्न सालझण्डी प्रहरीले बस र यसका चालकलाई नियन्त्रणमा लिएको छ ।
Categorized in समाज
