काठमाडौं । विपक्षी दल नेपाली कांग्रेसको अवरोधको कारण प्रधानमन्त्री केपी शर्मा ओलीले सम्बोधन गर्न पाएनन ।
प्रम ओलीले युरोप भ्रमण जानकारी दिने तथा गुठी विधेयक तथा मिडिया काउन्सीलबारे बोल्ने कार्यक्रम रहेको थियो तर कांग्रेसका सांसदहरुका नाराबाजी गरेपछि सांसद अवरुद्ध भएको थियो ।
बैठक सुरु हुनासाथ कांग्रेस सांसदहरु उभिएका थिए । कांग्रेस सांसदहरुले ढ्यापढ्याप पार्दै प्रतिपक्षको कुरा सुन्न आग्रह गरे ।
तर सभामुखले प्रधानमन्त्री बोलेपछि समय दिने बताए पनि तर प्रधानमन्त्री रोष्टममा पुग्दा नपुग्दै विपक्षी सांसदहरु हृवेल घेराउ गर्न आएका थिए ।
सांसद बैठक अवरुद्ध अर्को बैठक भोलि ४ बजेको लागि आव्हान गरिएको छ ।
सरकारले ल्याएको गुठी विधेयकविरुद्ध सडकमा उत्रेका प्रदर्शनको कारण तनावमा रहेको प्रमलाई विपक्षीले रोष्टम घेरेर अवरोध गरेपछि प्रधानमन्त्री विना सम्बोधन फर्कन बाध्य भएको थियो ।
कांग्रेसले यतिखेर गुठी विधेयक विरुद्ध चर्को रुपमा सरकारको विरोध गरिरहेको छ ।
Categorized in समसामायिक