काठमाडौं । मोटरसाईकलको कारण जाम बढेको गुनासो बढेपछि सरकारले काठमाडौंको मुख्य चोकहरुमा ‘मोटरसाईकल बक्स’ निर्माण गर्ने भएको छ ।
पहिलो चरणमा नयाँ बानेश्वरमा यसको परिक्षण हुने भएको छ । यसको परीक्षण पहिलो चरणमा नयाँबानेश्वर चोकमा गरिँदैछ । सडक विभागले नयाँ बानेश्वरमा यस्तो बक्स बनाउन काम थालिसकेकको छ ।
यो बक्स निर्माण भएपछि बक्समा मोटरसाइकल मात्रै बस्न पाउनेछन जसको कारण मोटरसाईकलहरु जथाभावी बीचमा छिर्ने पाउने छैन ।
जापानी सहयोग नियोग (जाइका) को सुझावअनुसार चोकमा मोटरसाइकल बक्सको परीक्षण गर्न लागिएको विभागका ट्राफिक इकाइका प्रमुख दीप बाराहीले जानकारी दिए ।
बानेश्वरको परिक्षाण पुरा भएपछि अन्य चोकहरुमा पनि बक्स बनाईने विभागले जनाएको छ ।
सडक विभागले हाल एकैपटक काठमाडौंको रिंगरोड र त्यसभित्रका क्षेत्रमा एक करोड ५७ लाख खर्चेर सडकको सिग्नल मार्किङ र सडक आसपास पेन्टिङको काम गर्न लागेको हो ।
Categorized in समाज
