काठमाडौं । काठमाडौंको थलीमा सडक निर्माणमा ढिलो भएको भन्दै स्थानीय युवाहरुले प्रदर्शन गरेका छन ।
प्रदर्शनीका कारण सडकमा सवारी साधान आवागमन अवरोध हुन पुगेको छ । लामो समयदेखि सडक निर्माण नभईरहेको अवस्थाबाट दिक्क भएका स्थानीयहरु स्वतःस्फूर्त रुपमा प्रदर्शनमा निस्केका हुन ।
प्रदर्शनमा उत्रिएका युवाहरुले सडकमा टायर बालेर विरोध जनाएका छन । उनीहरुले स्थानीय सरकारको ढिलासुस्ती र लापरवाहीको कारण सडक निर्माणमा ढिलो भएको अरोप लगाएका छन ।
‘सडक निर्माण छिटो सक’, ‘स्थानीय सरकार मुर्दावाद’लगायत प्लेकार्ड लिएर प्रदर्शनमा उत्रेका युवाहरुले ठेक्का लिएर काम नगर्ने ठेकेदार विरुद्ध कारबाहीको माग समेत गरेका छन ।
यसअघि बौद्ध, जोरपाटीलगायत क्षेत्रमा पनि सडकमा कालोपत्र गर्न स्थानीय, व्यापारी लगायतले टायर बालेर अवरोध गरेका थिए ।
Categorized in समाज
