काठमाडौं । नेपाल टेलिकमको डाटा प्रयोगकर्ता चैत्र मसान्तसम्म १ करोड नाघेको नेपाल टेलिकमले तयार पारेको एमआईस रिपोर्टमा उल्लेख गरेको छ ।
एमआइएस रिपोर्टका अनुसार गत चैत महिनामा टेलिकमको डाटा सेवाको प्रयोगकर्ताको संख्या एक करोड एक लाख ५४ हजार पुगेको जनाएको छ ।
कम्पनीका अनुसार ०७४ को असार मसान्तसम्म डाटा सेवा प्रयोगकर्ताको संख्या ८४ लाख २५ हजार आठ सय ९४ रहेको थियो ।
जीएसएम डाटा सेवाका प्रयोग कर्ता ९७ लाख ९५ हजार एक सय, सिडीएमए १ लाख ३६ हजार पाँच सय, वाइम्याक्स सेवाका १७ हजार र एडीएसएलका १ लाख १९ हजार सात सय रहेको टेलिकमले जनाएको छ ।
त्यसैगरी दुरसंचार प्राधिकरणले फागुन महिनामा तयार पारेको एमआइएस रिपोर्ट अनुसार कम्पनीको फोर जी डाटा प्रयोगकर्ता पाँच लाख ४७ हजार आठ सय पुगेको छ ।
गत चैत मसान्तसम्म कम्पनीको जानकारी अनुसार टेलिफोन सेवाका ग्राहक एक करोड ९३ लाख २२ हजार आठ सय ५५ , जिएसएम मोबाइल सेवाका ग्राहक १ करोड ६९ लाख ४४ हजार पाँच सय ३९ रहेको छ
।
त्यसैगरी सीडीएमए सेवाका ग्राहक १६ लाख ८८ हजार तीन सय ५१ र पीएसटीएन टेलिफोन सेवाका ग्राहक छ लाख ८९ हजार तीन सय ७३ रहेका छन ।
Categorized in प्रबिधि
