काठमाडौं । विनाशकारी भूकम्पले बन्द बनाएको चिनियाँ नका तातोपानी बुधवारदेखि पुनः सञ्चालनमा आउने भएको छ ।
गणतन्त्र दिवशको अवसर पारेर तातोपानी नाका खुला घोषणा गर्ने सरकारी कार्यक्रम रहेको छ ।
नाका सञ्चालनका लागि बुधबार नेपाल–चीन सीमाको मितेरी पुलमा आयोजित विशेष कार्यक्रममा उद्योग, वाणिज्य तथा आपूर्तिमन्त्री मातृकाप्रसाद यादव, मन्त्रालयका वरिष्ठ अधिकारी, प्रतिनिधिसभाका सदस्य एवम् राजनीतिक दलका नेता सहभागी हुने कार्यक्रम रहेको छ ।
यस्तै चीन सरकारका तर्फबाट भाइस मिनिष्टर अफ जनरल एडमिनिष्ट्रेशन कस्टम अफ चाइना र चीनको स्वशासित क्षेत्र तिब्बतका वरिष्ठ अधिकारी तथा सम्बद्ध निकायका पदाधिकारी सहभागी हुने छ ।
सिन्धुपाल्चोकका प्रमुख जिल्ला अधिकारी गोमादेवी चेम्जोङका अनसार बुधवार १२ बजे दुई देशका उच्च अधिकारीको उपस्थितिमा तातोपानी नाका पुनः सञ्चालनमा आएको घोषणा गरिनेछ ।
रिबन काटेर नाका सञ्चालनमा आएको घोषणा गरिने र तिब्बतबाट ऊन बोकेर आउने चार कण्टेनरको स्वागत गरिनेछ । नेपालका तर्फबाट पनि दुई कण्टेनर खासा पठाउने तयारी गरिएको छ ।
Categorized in राष्ट्रिय
