काठमाडौं । सरकारले नेत्रविक्रम चन्द ‘विप्लव’ माओवादीलाई लगाएको प्रतिबन्ध फुकुवा नगरे सशक्त प्रतिकार गर्ने चेतावनी दिएको छ ।
शनिवार महासचिव विप्लव हस्ताक्षारित एक पे्रस विज्ञप्ती जारी गर्दै सरकारद्धारा लगाएको प्रतिबन्ध हटाउन माग गरेको छ ।
विज्ञप्तीमा प्रतिबन्ध नहटाए, पार्टी नेतारकार्यकर्ताको गिरफ्तारी नरोके, पार्टीमाथिको दमन नरोके सरकारविरुद्ध सशक्त प्रतिरोध गर्ने उल्लेख छ ।
गत शुक्रबार केन्द्रीय सदस्य चुडामणि ओली, चन्द्रबहादुर खड्का र विश्वलाई सरकारले फेरि गिरफ्तारी गरेको विरोध गर्दै पार्टीमाथिको दमनलाई रोकेन, प्रतिबन्ध हटाएन, गिरफ्तारी रोकेन भने हामी यसका विरुद्ध सशक्त प्रतिरोध गर्न बाध्य हुने चेतावनी दिएको छ ।
सरकारले गत फागुन २८ गते विप्लव नेतृत्वको समूहका क्रियाकलापमाथि प्रतिबन्ध लगाउने निर्णय गरेपछि पार्टीका नेता, कार्यकर्ताहरुलाई नियन्त्रणमा लिन थालेको छ ।
Categorized in राष्ट्रिय
