काठमाडौं । लुक्ला विमानस्थलमा जाहाज र हेलिकप्टर ठोक्किदा २ जनाको मृत्यु भएको छ ।
मृत्यु हुनेमा समित एयरको कोपाईलट सुदिप ढुंगाना र पर्यटक प्रहरी राम बहादुर खड्का रहेको सोलुखुम्बु प्रमुख जिल्ला अधिकारी नरेन्द्र कुमार रानाले पुष्टि गरेका छन ।
एयर होस्टेज आर लामा सकुशल रहेका प्रहरीले जनाएको छ ।
आइतबार बिहान ९ बजेतिर ल्याण्ड भएको मनाङ एयरको हेलिकप्टरलाई टेकअफ गर्न लागेको समिट एयरको जहाजले ठक्कर दिँदा जहाज अनियन्त्रित भएर हेलिकप्टरलाई ठक्कर दिन पुगेको प्रहरीको प्रारम्भिक रिपोर्ट रहेको सञ्चारमाध्यमहरुलाई जनकारी दिएको छ ।
दुर्घटनाको विस्तृत विवरण भने आउन बाँकी छ । लुक्ला विमानस्थल विश्वकै कठिन विमानस्थलहरुमध्येमा पर्दछ ।
Categorized in समाज
