काठमाडौं । अज्ञात व्यक्तिको गोली प्रहारबाट कपिलबस्तुमा एक जनाको हत्या भएको प्रहरीले जनाएको छ ।
गोली प्रहारबाट कपिलवस्तुको कृष्णनगरमा १ मा कृष्णनगर नगरपालिका–१० विद्यानगरका ४५ वर्षीय पारस पुरीको गएराति गोली लागेर मृत्यु भएको हो ।
घरमै बसिरहेको बेला पुरीमाथि मोटरसाइकलमा आएका व्यक्तिले ९ बजेतिर गोली प्रहार गरेर भागेका थिए ।
मतृक पुरीको छातीमा गोली लागेर गम्भीर घाइते भएको अवस्थमा लुम्बिनी प्रादेशिक अस्पताल बुटवलमा मृत्यु भएको कपिलवस्तु प्रहरीले बताएको छ ।
मृतक पुरी वैदेशिक रोजगारीमा मान्छे पठाउने एजेन्टको काम गर्दै आएका थिए । पुरीमाथि गोली हान्नेको खोजी भइरहेको प्रहरीले जनाएको छ ।
Categorized in समाज
