काठमाडौं । प्रहरीेले काठमाडौ महानगरपालिका – ६ स्थित बौद्ध फूलबारीबाट रु २ लाख ९८ हजारसहित ७ जना जुवाडे पक्राउ गरेको छ ।
महानगरीय प्रहरी वृत्त बौद्धको टोलीले छेदेन लामाको घर भाडामा बस्दै आएका तेन्जिङ शेर्पाले सञ्चालन गर्दै जुवा अखडामा छापा मारेर उनीहरुलाई नगदसहित पक्राउ गरेको हो ।
बौद्धका प्रहरी नायब उपरीक्षक नरेन्द्र चन्दका अनुसार पक्राउ पर्नेमा सञ्चालक ३४ वर्षीय तेन्जिङ शेर्पा, ६६ वर्षका टासीछेप्तेन लामा, ५३ वर्षका अपे लामा, ३८ वर्षका उङ्छी लामासहित सात जना रहेको छ ।
प्रहरीले उनीहरुको साथबाट जुवा खेल्न प्रयोग हुने सामग्री एक हजार ४६ थान गोटी, ६४ थान कौडा र १७ प्याकेट तास बरामद गरेको छ ।
पक्राउ परेका उनीहरुको थप अनुसन्धान गरी प्रचलित कानूनअनुसार मुद्दा चलाइने प्रहरीले जानकारी दिएको छ ।
यसअघि पनि महानगरीय प्रहरी वृत्त बौद्ध मातहत जोरपाटी र बौद्धको फूलबारीबाट ठूलो रकमसहित जुवाडे पक्राउ गरी प्रहरीले मुद्दा चलाएको थियो ।
Categorized in समाज
