काठमाडौँ । मलेसियामा हवाई टिकटको खर्च व्यहोर्न नसकी अलपत्र परेका २३ नेपालीको उद्धार गरिएको छ ।
मलेसियाका सिमोनिया, बुकिट जलिल र सेपांगमा अलपत्र परेका उनीहरुलाई नेपालीलाई त्यहाँस्थित नेपाली राजदूतावासको प्रयासमा उद्धार गरिएको हो ।
घर फिर्ती केन्द्रमा अलपत्र परेका उनीहरूलाई उद्धार गरिएको क्वालालम्पुरस्थित नेपाली दूतावासले जनाएको छ ।
लामो समयसम्म घरफिर्ती केन्द्रमा रहँदा शारीरिक तथा मानसिक समस्या उत्पन्न हुने वास्तविकतालाई दृष्टिगत गरी दूतावासले हवाई टिकट उपलब्ध गराएर यथाशीघ्र उद्धार गर्दै आएको छ ।
उक्त दूतावासले बुधवार विज्ञप्ति जारी गरी अलपत्र परेका नेपालीलाई घर फिर्ता पठाउने अभियान निरन्तर जारी राख्ने बताएको छ ।
Categorized in राष्ट्रिय
