काठमाडौँ । नेपाल इन्भेष्टमेन्ट बैंकको सहयोगमा ललितपुरको सदर चिडियाखानामा ‘डिजिटल एजुकेशन सेन्टर’ स्थापना भएको छ ।
चार दशकदेखि नेपालमा जैविक विविधता र संरक्षणको क्षेत्रमा योगदान पु¥याउँदै आएका बेलायतका संरक्षणकर्मी फिल्ड मार्सल सर जोन चाप्पल (field marshal Sir John Chapple) को सम्मानस्वरुप बैंकको सहयोगमा सेन्टर स्थापना गरिएको हो ।
मङ्गलबारदेखि सञ्चालनमा आएको सो केन्द्रको उद्घाटन वन तथा वातावरणमन्त्री एवं कोषका अध्यक्ष शक्तिबहादुर बस्नेतले गरेको
सदर चिडियाखानाका कार्यक्रम व्यवस्थापक चिरञ्जीवी पोखरेलले बताए ।
तत्कालीन राणा प्रधानमन्त्री श्री ३ जुद्धशम्शेर राणाले सन १९३२ मा निजी चिडियाखानाको रूपमा स्थापना गर्नुभएको थियो ।
विसं २००७ को राजनीतिक परिवर्तनपछि यसको स्वामित्व नेपाल सरकारमा आएको थियो ।
विसं २०११ बाट सर्वसाधारणका लागि खुला गरिएको चिडियाखानामा २०५२ देखि यसको व्यवस्थापकीय जिम्मेवारी राष्ट्रिय प्रकृति संरक्षण कोषले जिम्मा पाएको छ ।
अहिले यहाँ वन्यजन्तु संरक्षण र व्यवस्थापन, संरक्षण शिक्षा र अध्ययन अनुसन्धान, मनोरञ्जन तथा प्रकृति संरक्षणबाट जनचेतना दिने कार्य हुँदै आएको सदर चिडियाखानाका कार्यक्रम व्यवस्थापक पोखरेलले जानकारी दिएका थिए ।
Categorized in बैंक
