काठमाडौं । राजधानीको थापाललिस्थित प्रसुति गृहकी चिकित्सक डा. बविता शाहकी छोरी सन्दिज्ञा कर्णको अपहरणमा संलग्न २ जनालाई प्रहरीले पक्राउ गरेको छ ।
प्रहरीका अनुसार पक्राउ पर्नेमा जनकपुर उपमहानगरपलिका वडा नं. ४ की अर्चना गुप्ता र बाबु श्रेष्ठ रहेका छन ।
शाहकी छोरी २ वर्षीया सन्दिज्ञा कर्णको शुक्रबार बिहान कोटेश्वरको खरिबोटस्थित घरबाटै जनकपुरका मनिषकुमार गुप्ताले अपहरण गरेका थिए ।
डा. शाह र गुप्ताविच लेनदेनको कारण अपहरण भएको हुन सक्ने प्रहरी आशंका रहेको छ ।
बालिका अपरहण भएलगतै अपहरणकारी गुप्ताकी श्रीमतिलाई एक लाख ५० हजार रुपिया जनकपुर पठाएपछि बालक अपहरण मुक्त गरिएको थियो ।
प्रहरीले अपहरणकारी गुप्ताको खोजी कार्यको लागि प्रहरी परिचालन गरेका छने भने पक्राउ परेको दुई जनालाई अनुसन्धान गरिरहेको जनाएको छ ।
Categorized in समाज
