काठमाडौं । उदयपुरको एक सिमेन्ट उद्योगमा आगलागी हुँदा ३ करोड मूल्य बराबरको क्षति भएको अनुमान गरिएको छ ।
जिल्लाको कटारी नगरपालिका– ८ स्थित गल्टारको सौर्य सिमेन्ट उद्योगको चुनढुङ्गा खानीको एउटा टयांकरमा आगलागी हुँदा एक एक टयांकर र एक स्काभेटर जलेर नष्ट भएको छ ।
जिल्ला प्रहरी कार्यालय उदयपुरका प्रहरी उपरीक्षक चन्द्रदेव राईका अनुसार गए राति ११ बजेतिर अचानक टयांकरमा आगलागी हुँदा तेलसमेत रहेको सो टयांकर जलेको र एक स्काभेटरसमेत जलेर नष्ट भएको हो ।
आगलागी भएपछि प्रहरी र स्थानीयवासीसहित कटारी नगरपालिकाको दमकलले आगलागी नियन्त्रणमा लिएको थियो ।
आगलागी कसरी भयो वा कस्ले गरायो भन्नेबार प्रहरीले अनुसन्धान अघि बढाएको जनाएको छ ।
Categorized in समाज
