काठमाडौं । विराटनगर महानगरपालिका वडा नं. १७ स्थित धुनिया बस्तीमा गए राती छोराले बाबु तथा दाजुमाथि छुरा प्रहार गरेको छ ।
विराटनगर– १७ का २२ बर्षका चुनु मण्डलले गरेको छुरा प्रहारबाट बुबा शशी मण्डलको मृत्यु भएको भने दाजु आकाश घाइते भएका छन ।
बिहीबार राति छुरा प्रहारबाट घाइते भएका शशीलाई उपचारका लागि विराटनगरस्थित नोबेल मेडिकल कलेजमा उपचार भईरहेको छ ।
प्रहरीका अनुसार उपचारका क्रममा राति १० बजे शशीको मृत्यु भएको हो ।
बिहीबार शशी मण्डल, जेठी श्रीमतीको आकाश मिया मण्डल र शशी मण्डलको कान्छी श्रीमतीका छोरा चुनु मण्डलबीच घरायसी विषयमा विवाद भएको थियो ।
विवादकै क्रममा मादक पदार्थ सेवन गरेका चुनुले छुरा प्रहार गरेका प्रहरीको प्रारम्भिक अनुसन्धानले देखाएको छ ।
छुरा प्रहार गरी फरार भएका मण्डललाई प्रहरीले नेपाल भारतको सीमा क्षेत्रबाट शुक्रबार बिहान नियन्त्रणमा लिएको छ ।
Categorized in समाज
