काठमाडौ । प्रहरीले पाँचथर जिल्लाको एक गाउँपालिकामा बन्दुक बनाउने कारखाना फेला पारेको छ ।
पाँचथरको याङवरक गाउँपालिकामा शान्ताबहादुर बिकको घरमा रहेको आरनमा बन्दुक बनाउने गरेको भेटिएको प्रहरीले जनाएको छ ।
प्रहरी चौकी फलैचाबाट खटिएको टोलीले गाउँपालिकाको वडानम्बर–३ को ओयाम भन्ने ठाउँमा कारखाना नै सञ्चालन भएको पत्ता लगाएपछि अनुसन्धानको क्रममा आरनबाट ५ नाल भरुवा बन्दुकको पार्टपूर्जासहित हिलिहाङ गाउँपालिका–५ का ४८ वर्षीय बुद्धिमान बिकलाई प्रहरीले पकाउ गरेको छ ।
Categorized in समाज
