काठमाडौँ । चर्चित फुटवल खेलाडी निराजन रायमाझीका पत्नी संगीता अधिकारी रायमाझीलाई ठगी आरोपमा प्रहरीले शुक्रवार पक्राउ गरेको छ ।
विभन्न व्यक्तिहरुसँग क्यानाडा पठाईदिने प्रभोलनमा पारी एक करोड ३७ लाख ठगी गरेको आरोपमा उनी पेप्सीकोलाबाट पक्राउ परेको हो ।
रकम ठगी गरेर फरार रहेकी गोकर्णेश्वर नगरपालिका–१ निवासी ३८ वर्षीया सङ्गीता अधिकारी रायमाझीलाई प्रहरीले प्रहरीले पक्राउ गरी अनुसन्धान अघि बढाएको छ ।
ठगीमा परेका युवाले दिएको सूचनाका आधारमा अपराध अनुसन्धान महाशाखाको टोलीले उनलाई पेप्सीकोलाबाट पक्राउ गरेको प्रहरी वरिष्ठ उपरीक्षक धिरजप्रताप सिंहले जानकारी दिए ।
अधिकारीले क्यानडा पठाइदिन्छु भन्दै काभ्रेका नवीन तामाङसँग रु २९ लाख र धिरेन्द्रकुमार पुलामीसँग रु २२ लाख, दोलखाका सुदीन खड्कासँग रु २७ लाख २० हजार तथा भक्तपुरका रामकृष्ण सुवालसँग रु १९ लाख ९० हजार र डेकराज कार्कीसँग रु १९ लाख तथा जयराम सुकुभुटुसँग रु २० लाख रकम लिएको अखिल नेपाल वैदेशिक रोजगार पीडित तथा परामर्श सङ्घले जनाएको छ ।
पक्राउ परेकी अधिकारीलाई बैङ्किङ कसूर र वैदेशिक रोजगार कसूर मुद्दामा कारबाही अघि बढाइने प्रवउ सिंहले जानकारी दिनुभयो ।
Categorized in बजार
