काठमाडौं । काठमाडौंको तीनकुनेस्थित सुकुम्बासी टोलका दुई युवालाई छुरा प्रहार गरी हत्या गर्ने २ जनालाई महानगरीय अपराध महाशाखाको टोलीले शनिवार पक्राउ गरेको छ ।
पक्राउ पर्नेमा मकवानपुर हर्नामाडी घर भई गौशाला बस्ने २९ वर्षीय मनिष बानियाँ र काठमाडौं तारकेश्वर–७ बस्ने महेश परियार छन् ।
८ गते शनिवार दिउँसो उनीहरूले सकुम्बासी टोल बस्ने बिक्की लिम्बू र शान्तिनगरका अनिल श्रेष्ठलाई छुरा प्रहार गरेका थिए ।
सो घटनाको अनुसन्धानका लागि अपराध महाशाखाका डिएसपी रुगम कुँवरको नेतृत्वमा खटिएको प्रहरी टोलीले तारकेश्वर नगरपालिका ७ साङ््लाको बिहानी चोकबाट अभियुक्तद्वयलाई पक्राउ गरेको हो ।
Categorized in समाज
