काठमाडौं । बागलुङ जिल्लाको ढोरपाटन नगरपालिका–९ नवी गाउँमा आईतबार बिहान आगलागी हुँदा ३० घर जलेर नष्ट भएको स्थानीयवासीले जनाएको छ ।
विहान २ बजेको समयमा नवी गाउँमा लागेको आगो बिहान ८ बजे मात्र नियन्त्रणमा आएको स्थानीयवासी यन्द्र शाहीले बताए ।
ढोरपाटन शिकार आरक्षका कर्मचारी तथा नेपाली सेनाको हनुमान ध्वज गुल्मको टोलीले आगो नियन्त्रण लिन सफल भएको थियो ।
सो घरमा मानिसहरु नबस्ने भएकोले आगलागीबाट कुनै मानविय क्षती भएको छैन ।
नेपाली सेना र शिकार आरक्षका कर्मचारीको टोलीले गाउँ नै आगो लाग्नबाट बचाएको र आगो जङ्गलतर्फ पस्न नदिएका कारण थप क्षति नभएको आरक्षका कर्मचारी वीरबहादुर थापाले बताए ।
Categorized in समाज
