पत्रकार शिवराज योगी गीतकारका रुपमा प्रस्तुत भएका छन् । आइतबार मात्रै उनको जिन्दगानी बोलको गीत सार्वजनिक भएको छ ।
योगीको गीतमा चर्चित गायक शिशिर योगीले आवाज दिएका हुन् । गीतमा चर्चित संगीतकार अर्जुन नेपालीले संगीत भरेका छन् ।
२०५९ सालतिर गोरखापत्रमा आवद्ध भएर टोडीमा रहँदा लेखेका शब्द गीतका रुपमा सार्वजनिक भएको योगीले बताए ।
म्यूजिक भिडियोको निर्देशन भक्त पौडलले गरेका छन् । भिडियो सम्पादन गिरीजा केसीले गरेका हुन् । विनोद, प्रविन, कुसुम र सन्दिपले अभिनय गरेका छन् ।
दिपेश उपाध्याय, विजयी र केशवले हाइ डेफिनेसन क्यामेरा प्रयोग गरेर छायांकन गरेको बताइएको छ ।
मकवानपुरको चित्लागड, ललितपुरको गोदावरी हुँदै काठमाडौैंको वसन्तपुरका रमणीय दृश्य गीतमा कैद गरिएका छन् ।
साथी मिडिया प्रालिले भिडियो निर्माण गरेको हो ।
Categorized in समाज
