काठमाडौं । अख्तियार दुरुपयोग अनुसन्धान आयोगले वीरगञ्जबाट विहिबार विद्यालय अनुमतिपत्र दिन घुस लिएको अारोपमा दुई जनालाई पक्राउ गरेको छ ।
आयोगले महानगरपालिकाका शिक्षा समन्वय इकाइका प्रमुख मञ्जुर आलम र शाखा अधिकृत शशिभुषण साहलाई नियन्त्रणमा लिएको हो ।
फुर्कान इन्टरनेशनल एकेडमीको अनुमति दिनका लागि आलम र साहले माग गरेको रु पाँच लाखमध्ये रु एक लाख लिन घुस लिने क्रममा अरुण कुमार साहलाई रुपियासहित पक्राउ गरेको हो ।
साहले दिएको जानकारीका आधारमा वीरगञ्ज महानगरपालिकाको कार्यालयबाट दुवै जना कर्मचारीलाई नियन्त्रणमा लिएकोे बताइएको छ ।
पक्राउ गरिएका आलम र साहलाई आवश्यक अनुसन्धानका लागि मकवानपुर लगिएको छ ।
Categorized in समाज
