काठमाडौं । नुवाकोटको तादी गाउँपालिका वडा नं. १ उर्लेनी काल्चेका ३ युवति दुई सातादेखि बेपत्ता भएको प्रहरीले जनाएको छ ।
बेपत्तामा हुनेहरुमा काल्चेका १८ वर्षीया शर्मिला भनिने आइती तामाङ, उनकैे फुपू १७ वर्षीया सम्झना तामाङ र उनका साथी १७ वर्षीया हसिना भनिने माया तामाङ रहेका छन् ।
गत भदौ १८ गते तादी–३ खरानीटारमा लाग्ने श्रीकृष्ण जन्माअष्टमीको रथयात्राको जात्रामा सहभागी हुन गएका उनीहरु फर्केर घर नआएको परिवारले बताएका छन् ।
बेपत्ता युवतीहरुको खोजी कार्यको लागि प्रहरीलाई आग्रह गरेपछि मोवाईल लोकेशनको आधारमा प्रहरीले खोजी कार्य तिव्र बनाएको जिल्ला प्रहरी प्रमुख प्रहरी उपरीक्षक वसन्त कुँवरले जानकारी दिएका छन् ।
प्रहरीका अनुसार उनीहरुमध्ये दुई जना भारतको सिमातर्फ गएको भन्दै सो क्षेत्रमा खोजी भईरहेको जनाएको छ ।
Categorized in समाज
