काठमाडौं । नेपाली हिन्दु नारीहरुले आज देशभरी सप्त ऋषीको पूजा आराधना गरी मनाउँदैछन ।
महिलाहरुले आज विहानको समयमा नजिकको खोला, नदी, पोखरी, तालमा गई नुहाउने तथा २६५ वटा दत्तिवनले दाँत माँझ्नो धार्मिक परम्परा रहेको छ ।
नदीमा गएर महिलाहरुले आजको दिन गाईको गोबर, माटो र खरानी प्रयोग गरि नुहाउने गर्नाले दोष निवारण हुने भनाई छ ।
सप्तऋषिको पूजा गर्ने पञ्चमीका दिन भएकैले आजको पञ्चमीलाई ऋषि पञ्चमी भन्ने गरिएको हो ।
स्नान गरी पूजाआजा गरेपछि नरोपी उम्रेका अन्न सामा, कागुनो, कन्दमूल र कर्कला आदि खाइ एक छाक हविष्य बस्नुपर्ने व्रतविधि छ ।
आज काठमाडौँको टेकु, मूलपानीलगायत मुलुकभरका ऋषेश्वर मन्दिरमा पूजाअर्चनाका लागि श्रद्धालु महिलाहरुको भीड लाग्ने गर्दछ ।
Categorized in समाज
