काठमाडौं । बैतडी जिल्लाको ८४ वटा वडा कार्यलय मध्ये ५० वडा सचिवविहिन रहेका छन् ।
बैतडीका दशवटा स्थानीय तहमध्ये सचिवविहिन भएका वडाहरुमा शिवनाथ गाउँपालिकाका ६ वटै वडामा सचिव नभएको, पञ्चेश्वर गाउँपालिका ६ वडामध्ये ४ सचिव नभएका, मेलौली नगरपालिकाका नौवटा वडामध्ये ६ वडामा सचिव नभएका, पुर्चौंडी नगरपालिकाका–१० वडामध्ये ९ वडामा सचिव नभएका छन् ।
यसैगरी पाटन नगरपालिकामा पनि १० वडामध्ये पाँच वडामा सचिव नभएका, दोगडाकेदार गाउँपालिका–८ वडामध्ये तीन वडामा सचिव नभएका, डिलाशैनी गाउँपालिकामा सात वडामध्ये ४ मा सचिव नभएका अवस्थामा रहेको छ ।
जिल्ला समन्वय प्रमुख सिद्धराज भट्टका अनुसार सरकारसँग कर्मचारी पठाउन पटकपटक आग्रह गरेको भए पनि हालसम्म पनि पदपूर्ति हुन नसकेको बताए ।
Categorized in समाज
