काठमाडौं । वाणिज्य बैंकहरूले भदौ महिनाका लागि सार्वजनिक गरेको ब्याजदर सूचीअनुसार बैंकहरूको ब्याजदरमा पुनः सामान्य गिरावट आएको छ ।
बैंकहरूले व्यक्तिगत मुद्दती निक्षेपमा दिने अधिकतम ब्याजदरको औसत साउनको तुलनामा भदौमा घटेको हो ।
२० वटा वाणिज्य बैंकले सार्वजनिक गरेको विवरणअनुसार व्यक्तिगत मुद्दती निक्षेपको अधिकतम ब्याजदर साउनमा औसत ४.१६७५ प्रतिशत रहेकोमा भदौमा घटेर ४.१३६० प्रतिशतमा कायम भएको छ ।
यसअनुसार औसत ब्याजदर ०.०३१५ प्रतिशत बिन्दुले घटेको हो ।
बैंकहरूले व्यक्तिगत मुद्दतीमा दिने अधिकतम ब्याजदर (प्रतिशत)
Categorized in बैंक
