काठमाडौं । दोस्रो काठमाडौँ महनगरपालिका उपमेयर कप उपत्यकाव्यापी अन्तरपालिका एकायन कराँते प्रतियोगिता २०८३ हुने भएको छ ।
नेपाल एकायन कराँते संघले काठमाडौँ महानगरपाकिासँगको सहकार्यमा यही वैशाख १८ र १९ गते खुसिबुँस्थित बहुउद्देशीय मार्शल आट्र्स केन्द्रको कभर्ड हलमा प्रतियोगिता गर्नेछ ।
प्रतियोगितामा महिलातर्फ छ तथा पुरुषतर्फ आठ गरी कूल १४ तौल समूह रहेका छन । नेपाल एकायन कराँते संघका संस्थापक अध्यक्ष श्रीकृष्ण डंगोलले यस प्रतियोगितामा काठमाडौँ महानगरपालिाकभित्र सञ्चालित नेपाल एकायन कराँते संघका विभिन्न शाखा तथा विद्यालय प्रशिक्षण केन्द्रहरुका खेलाडीले सहभागिता जनाउने जानकारी दिनुभयो । उहाँका अनुसार १९० खेलाडीले प्रतियोगितामा सहभागिता जनाउनेछन् ।
यसैगरी दक्षिण एसियाली एकायनका उपाध्यक्ष शशि कपालीले विगतमा विभिन्न राष्ट्रियलगायत एसियाली एकायन कराँते, दक्षिण एसियाली एकायन र इन्डो–नेपाल एकायन प्रतियोगिता सम्पन्न गरिसकको जानकारी दिनुभयो ।
एकायन नेपालमै सिर्जित कराँतेको एक विधा हो । नेपाल एकायत कराँते संघ २०७२ सालमा राष्ट्रिय खेलकुद परिषद्मा दर्ता भएको हो ।
Categorized in मनोरन्जन
