काठमाडौं । काठमाडौं महानगरपालिका प्रमुख विद्यासुन्दर शाक्यले लकडाउनको अवस्थामा कसैलाई पनि भौकै बस्न नदिने बताएका छन ।
महानगरभित्र रहेको बेरोजगार र दैनिक ज्यालादारी गर्ने मजदुरहरको चाँडोभन्दा चाँडो तथ्यांक संकलन गरी उनीहरुलाई राहत साम्रगी वितरण गर्ने तयारी भईरहेको प्रमुख शाक्यको भनाई छ ।
प्रमुख शाक्यले काठमाडौंमा कोरोना (कोभिड — १९) संक्रमण, नियन्त्रण तथा रोकथामसँगै प्रभावितहरुलाई राहत र सहयोगका कार्यक्रम वडाध्यक्ष र वडा समितिको नेतृत्वमा एउटै ढोकाबाट हुने बताए ।
महानगरका प्रमुख शाक्यसँगै जिल्लाका प्रदेश सभा सदस्यहरु, प्रमुख जिल्ला अधिकारी जनकराज दाहाल र सुरक्षा अधिकारीसहितको छलफलमा सहरमा भएका कोही पनि भोकै नपरुन भनेर आफूहरुले सम्पूर्ण तयारीमा जुटेको प्रमुख शाक्यले जनाकारी दिए ।
त्यसैगरी प्रमुख शाक्यले केही प्राबिधिक कारणले ल्याण्डफिल साइट जान नसकेको फोहोर जान थालेको बताए । जनजीवन सहज बनाउन खाद्यान्न पसल सञ्चालन गर्न आवश्यक छ ।
Categorized in समाज