काठमाडौं । खाना तथा खाजा अनलाईन डेलिभर गर्ने ‘फुडमान्डु’ को वेबसाइट ह्याक भएको छ ।
फुडमाण्डुले एक विज्ञप्ती जारी गरी वेवसाईट ह्याक भएको सार्वजनिक गर्दै भनेको छ,‘ ह्याकरले करिब ३० हजार ग्राहकको नाम, ठेगाना, इमेल तथा फोन नम्बर जस्ता व्यक्तिगत विवरणहरु चोरी भएको छ ।’
कम्पनीका कम्पनीका संस्थापक मनहर अधिकारीका अनुसार शनिबार राती वेभसाईट ह्याक भएपछि करिब ३० हजार ग्राहकको व्यक्तिगत विवरण चोरिएको हुन सक्ने अनुमान गरिएको हो ।
यस घट्नाले हामीलाई दुखित बनाएको उल्लेख गर्दै आफूहरुको सानो कमजरीले वेभसाईट ह्याक भएको कम्पनीले जनाएको छ ।
कम्पनीले एक विज्ञप्ति जारी गरेर आफ्नो कमजोरी सच्याइएको बताएको छ । चोरिएको व्यक्तिगत विवरणहरु ह्याकरले एक वेबसाइटमार्फत सार्वजनिक गरिरहेको छ ।
साईवर हमलाबारे प्रहरीको साइबर अपराध डिभिजनमा जानकारी गराएको कम्पनीले बताएको छ ।
फुडमान्डुले आफ्नो अनलाईन सेवा भने नियमित भएको जनाएको छ ।
Categorized in प्रबिधि