काठमाडौं । आधिकारिक कागजात नभई अवैध रुपमा बसेका ८ नेपालीरुलाई अमेरिकाले काठमाडौंको एयरपोर्ट ल्याएर छाडेको छ ।
बुधवार विहान १० बजे त्रिभुवन अन्तर्राष्ट्रिय विमानस्थल ल्याएर छोडेको थियो । छाडेकाहरुमा एक महिला र सात पुरुष छन् ।
यो विमान अमेरिकाको न्यु ह्याम्पसर राज्यको पोर्टसमाउथ अन्तर्राष्ट्रिय विमानस्थलबाट काठमाडौं आएको हो ।
यससहित ट्रम्पको आदेश अनुसार देश निकाला हुने नेपालीको संख्या ३७ पुगेको छ । यसअघि २७ नेपाली काठमाडौं फर्किएका थिए ।
काठमाडौं ओर्लिएपछि नेपाली अधिकारीहरूले गरेको सोधपुछका क्रममा उनीहरूले आफूहरूलाई हत्कडी लगाएर ल्याएको बताएका हुन् ।
अध्यागमन विभागले उनीहरूलाई थप अनुसन्धानका लागि प्रहरीको मानवबेचबिखन अनुसन्धान ब्यूरोमा बुझाएको छ ।
प्रहरीका अनुसार, ८ जना करिब ६ महिना अगाडि मात्रै अवैध बाटोबाट अमेरिका पुगेका थिए ।
अमेरिकाबाट फर्काइएकामध्ये एक जना डोटी जिल्लाका हुन् भने अरु दाङ र रुकुमको भएको खुलेको छ ।
अमेरिकाको राष्ट्रपतिमा ट्रम्प निर्वाचित भएलगत्तै उनले अमेरिकामा अवैध आप्रवासीहरूप्रति कडा नीति लिएका कारण यस अघि छिमेकी देश भारतका ११२ भारतीय नागरिकलाई डिपोर्ट गरेर पञ्जाब पठाइदिएका थिए ।
5 March 2025, Wednesday
Categorized in राष्ट्रिय
