७ लाख ६१ हजार मात्रा फाइजर खोप काठमाडौं आईपुग्यो
प्रकाशित: शुक्रवार, ११ चैत्र २०७८, १५ः३० बजे
- महानगरखवर
काठमाडौं । कोभिड –१९ विरुद्धको ७ लाख ६१ हजार मात्रा फाइजर खोप काठमाडौं आइपुगेको छ ।
स्वास्थ्य सेवा विभाग व्यवस्थापन महाशाखा अन्तर्गत आपूर्ति शाखा प्रमुख सुरेन्द्र चौरसियाले अमेरिकी सरकारको सहयोगमा कोभ्याक्स सुविधा अन्तर्गत खोप आईपुगेको बताए ।
शुक्रवार आएको उक्त खोप पहिलो खेप भएको चौरसियाले जानकारी दिए । अमेरिकी सरकारले ९२ लाख डोज दिने घोषणा गरेको छ ।
विभागका अनुसार २८ मार्चमा थप ८ लाखको फाइजर खोप आउने कार्यतालिका छ । फाइजर खोप १२ वर्ष भन्दा उमेरका नागरिकलाई दिइने छ ।
पछिल्लो तथ्यांक अनुसार ६० लाख डोज खोप भण्डारणमा छ ।
Categorized in स्वास्थ्य
