काठमाडौं । नेपालमा प्रयोग आईरहेको ५०० मिलिग्राम (एमजी) सिटामोलको तौल बढाउने तयारी गरिएको छ ।
औषधि सल्लाहकार समितिको ५३ औँ बैठकले स्वास्थ्य मन्त्रालयसँग सोही विषयमा छलफल गर्ने भएको छ ।
स्वास्थ्य सचिवको अध्यक्षतामा रहने समिति बैठकमा सिटामोल ६५० मिलिग्राम (एमजी) मा दर्ता गर्ने प्रस्ताव राखिएको छ ।
वरिष्ठ चिकित्सक डा. ऋषिकुमार काफ्लेका अनुसार ५०० एमजीको सिटामोलले केही बिरामीमा काम नगरेको गुनासो आएको छ ।
वीर अस्पतालका निर्देशक डा. भुपेन्द्र बस्नेत पनि कोभिड–१९ का बिरामीमा सिटामोलले काम नगर्दा ठूलो समस्या आएको बताउँछन । अहिले डोज मिलाउनका लागि ६५० एमजी बनाउन राम्रै हुने डा. बस्नेतको सुझाव रहेका छ ।
नेपालमा ६५० एमजीको औषधि हालसम्म उत्पादन भएको छैन । स्वदेशी औषधि उत्पादकले सिटामोल ६५० एमजीमा दर्ता गर्न आवेदन दर्ता गरेका छन ।
Categorized in स्वास्थ्य