काठमाडौं । प्रहरीले शुक्रबार बबरमहलबाट थुनामा रहेको व्यक्ति छुटाइदिने भन्दै ४२ लाख घुस लिएको आरोपमा एक वकिलाई पक्राउ गरेको छ ।
महानगरीय अपराध महाशाखाको टोलीले थुनामा रहेको व्यक्ति छुटाइदिने घुस लिएको आरोपमा अधिवक्ता टंक रानामगरलाई पक्राउ गरेको हो ।
महाशाखा प्रमुख एसएसपी सहकुल थापाका अनुसार रानाको माइतीघरमा जनन्यायिक कानुनी सेवा नामक ल फर्म छ ।
उनले राजश्व चुहावट प्रकरणमा थुनामा रहेका राकेश दाहाललाई छुटाइदिने भन्दै उनले उक्त बराबरको घुस लिएको आरोप छ । दाहालसँग अदालतले दुई करोड पच्चीस लाख रूपैयाँ धरौटी मागेको थियो ।
नख्खु कारागारमा रहेका दाहाललाई २०७५ मंसिर २७ गते केन्द्रीय अनुसन्धान ब्युरोले पक्राउ गरेको थियो ।
Categorized in समाज
