काठमाडौं । बहुचर्चित चनियाँ राष्ट्रपति सी चिनफिङ भ्रमण तालिका सार्वजनिक गरिएको छ ।
दुई दिने नेपाल भ्रमणमा आउन लागेका चिनियाँ राष्ट्रपति सी आज (शनिवार) ४ः३० बजे काठमाडौंको त्रिभुवन अन्तर्राष्ट्रिय विमानस्थलमा अवतरण गर्ने तालिका सार्वजनिक गरिएको छ ।
सीका लगि विमानस्थल शनिबार दिउँसो २ः५५ देखि ५ः२५ सम्मका सबै व्यवासायिक उडान स्थगित गरिने भएको छ ।
विमानस्थलमा अवतरण गरेपछि सार्वजनिक गरिएको तालिकाअनुसार साँझ ६ः३० बजे चिनियाँ राष्ट्रपति सीको राष्ट्रपति विद्यादेवी भण्डारीसँग भेटवार्ता हुने कार्यक्रम छ ।
यसपछि साँझ ७ः१५ मा सीले नेपाली कांग्रेस सभापति शेरबहादुर देउवालाई भेट्ने कार्यक्रम रहेको कांग्रेस नेता तथा पूर्वमन्त्री प्रकाशशरण महतले बताएका छन ।
त्यसैगरी साँझ ७ः३० मा सोल्टी होटलमा रात्रिभोजको कार्यक्रम छ ।
आइतबार बिहान १०ः३० बजे सीले नेकपा अध्यक्ष पुष्पकमल दाहाल प्रचण्डसँग भेटवार्ता गरेपछि ११ः३० मा प्रधानमन्त्री केपी शर्मा ओली र चिनियाँ राष्ट्रपति सीबीच भेटवार्ता र द्विपक्षीय सम्झौता हुनेछ ।
आइतबारै दिउँसो १ बजे सीको चीन फर्किन उडान छ । आइतबार पनि बिहान ११ः२० देखि १ः५० सम्म विमानस्थल बन्द हुनेछ ।
विमानस्थल कार्यालयले जारी गरेको सूचनाअनुसार उक्त अवधिमा काठमाडौं विमानस्थलमा कुनै पनि उडान हुने छैनन ।
सीको भ्रमणलाई सुरक्षा व्यवस्था कडा पारिएको छ भने प्रधानमन्त्री ओलीले समेत सी को सवारी हुने बाटो निरिक्षण गरेका छन ।
त्यसैगरी भ्रमणको समय सार्वजनिक यातायात सबै बन्द हुनका साथै सडक किनारामा केही पनि उभिन पाउने छैन ।
तस्वीर सबैः समाजिक सञ्जालबाट
Categorized in राष्ट्रिय