३३ बर्षिय प्रिन्स ह्यारी र ३६ बर्षिया मेगनका बिच शाही विवाह सम्पन्न
काठमाडौं । बेलायती महारानीको नाती प्रिन्स हयारी र अमेरिकी अभिनेत्री मेगनबिच शनिवार विवाह सम्पन्न भएको छ ।
बेलायतको विन्ड्सस्थित सेन्ट जाँर्ज गिरजाघरमा ६ सय पाहुनाहरुको उपस्थितमा शाही जोडीले सँगै जिउने कसम खाई औंठी साटेका थिए । परम्पराअनुसार केनटनबरीका आर्क्सिशप जस्टिन वेल्बीले उनीहरु श्रीमान् र श्रीमती भएको घोषणा गरेका थिए ।
सो विवाह समारोहमा अमरीकी टीवी स्टार ओपरा विन्फ्रे, अभिनेता इडरिस एल्बा, अभिनेता जार्ज क्लूनी र फÞुटबलर डेविड बेकहम जस्ता सेलिब्रेटीहरु सामेल थिए ।
महारानी एलिजावेथले नाती प्रिन्स हयारी और मेगन मार्कललाई ’ड्यूक एंड डचेस अफÞ ससेक्स’ को उपाधि दिएको थियो ।
सन् २०१६ को जुलाई महिनादेखि प्रेम सम्बन्धमा रहेका प्रिन्स ह्यारी ३३ र मेगान ३६ बसन्त पुगेका छन् ।
Categorized in जीवनशैली
