काठमाडौं । ३३ किलो सुन तस्करी प्रकरणमा पक्राउ परेका ३० आरोपीहरुको बयान सकिएको छ । आज कानुन दिवसको अवसरमा आदालतको कामकार्बाही बन्द हुने भएकोेले भोली देखि थुनछेक बहष सुरु हुने भएको छ ।
सनम शाक्य हत्यासंग जोडिएको ३३ केजी सुन प्रकरणले तस्करीहरुको रयाकेटको पर्दाफास गरेपछि अहिले देशकै सर्वाधिक चर्चित मुद्दा बनेको छ ।
प्रतिवादीका पक्षमा बहस गर्ने कानुन व्यवसायीको संख्या ७० पुग्ने अनुमान गरिएको छ । मंगलबारसम्म ‘वकालतनामा’ दर्ता गर्नेको संख्या ४४ पुगेको अदालतको मुद्दा शाखाकाका एक अधिकारीले वताएका छन् ।
मुद्दामा प्रहरीले कुल ६३ जनाविरुद्ध मुद्दा दायर गरेको थियो । प्रहरी नियन्त्रणमा रहेका ३० बाहेक अरू ३३ जना फरार छन् ।
जिल्ला न्यायाधिवक्ताको कार्यालयले गत बुधबार १७ अर्ब १ करोड ८० लाख ७१ हजार ४ सय १३ रुपैयाँ ९० पैसा बिगो माग दाबी गर्दै उनीहरूविरुद्ध जिल्ला अदालतमा ‘आपराधिक समूह स्थापना र सञ्चालन गरी सुनको अवैध कारोबार गरेको, अपहरण तथा शरीर बन्धक र कर्तव्य ज्यान’ मुद्दा दर्ता गरेको थियो ।
Categorized in राष्ट्रिय
