२ करोड ८८ लाख खर्च गरेर सांसदलाई ल्यापटप किन्दै सरकार
काठमाडौं । सरकारले संघीय सांसादको लागि २ करोड ८८ लाख खर्च गरेर ल्यापटप खरिद प्रक्रिया सुरु गरेको छ।
ब्राण्डेड ल्यापटप खरिदका लागि ललितपुरको काष्ठमण्डप एसिया इन्टरनेशनल छनौट समेत भईसकेको छ । ससांसाद सचिवालयले सांसदका लागि ३ सय ३४ वटा ल्यापटप खरिद गर्दैछ ।
सचिवालयका ल्यापटप खरिदका लागि जेठ १९ गते सार्वजनिक सूचना जारी गरी बोलपत्र आह्वान गरेको थियो । जस अनुसार काष्ठमण्डपले मूल्य अभिवृद्धिकरसहित २ करोड ८८ लाख १६ हजार १७ रुपैयाँमा बोलपत्र दर्ता गराएको थियो ।
सचिवालयले काष्ठमण्डप एसिया इन्टरनेशनलले पेश गरेको बोलपत्र स्वीकृत गरे अनुसार प्रत्येक सांसदले ८६ हजार २७५ रुपैयाँ पचास पैसाको ल्यापटप पाउने छन ।
ल्यापटपको आठौँ जेनेरशन इन्टेल कोर आइ फाइभ प्रोसेसर सहितको हुने छ ।
Categorized in बजार
