काठमाडौं । द हिडन ट्रजरले सन् २०१९ को लागि मिस नेपालको खोजी सुरु गरेको छ ।
हिडेन ट्रेजरले आईतबार राजधानीमा एक पत्रकार सम्मेलन गरेर मिस नेपालको लागि आवेदन खुला गरेको जानकारी गराएको छ ।
आयोजकका अनुासर मिस नेपालमा भाग लिन अविवाहित हुनुपर्ने तथा उमेर २० देखि २५ बर्ष र उचाई ५ फिट ४ इन्च अग्ला हुनुपर्नेछ ।
काठमाडौंसहित आठ शहरमा अडिसन हुनेछ । यस अन्र्तगत धनगढी, नेपालगञ्ज, बुटवल र पोखरामा मार्च १३–१५ मा अडिसन लिइनेछ ।
यसैगरी चितवन, वीरगञ्ज, धरान र विर्तामोडमा मार्च १७–१९ मा अडिसन लिइने पत्रकार सम्मेलनमा जानकारी गराएको छ ।
फाइनल अडिसन भने मार्च २४ मा काठमाडौंमा हुनेछ । मिस नेपालका लागि अन्य २० देखि २५ जना सहभागी अन्तिम राउन्डको लागि छनौट गरिनेछ ।
आयोजकका अनुसार उनीहरुलाई मिस हङकङ, मिस ओशियाना, मिस पोखरा, मिस पूर्वाञ्चल र मिस पश्चिमाञ्चल लगायतका सौन्दर्य प्रतियोगिताबाट विजेता भएर आएका प्रतियोगीसँग सम्मिलित गराइने छ ।
Categorized in सौन्दर्य