काठमाडौं । नेपालमा १८ वर्षमाथिका उमेर समूहका ७० प्रतिशत नागरिकले कोभिड–१९ विरुद्धको पूर्ण खोप लगाएका छन ।
स्वास्थ्य तथा जनसंख्या मन्त्रालयले बिहीबार एक तथ्यांक प्रकाशित गरेर सो जानकारी दिएको हो ।
सार्वजनिक गरेको तथ्यांक अनुसार लक्षित जनसंख्या (१८ वर्षभन्दा माथि उमेर समूह) को ७०.७ प्रतिशत नागरिकले खोपको पूर्ण मात्रा लगाएका हुन ।
विश्व स्वास्थ्य संगठन (डब्ल्यूएचओ) नेपालले ट्वीटरमार्फत नेपाललाई ७० प्रतिशत वयस्क जनसंख्यालाई पूर्ण खोप लगाउन सफल भएकोमा बधाई समेत दिएको छ ।
सरकारले चैत मसान्तसम्मा १८ वर्षमाथिका सबै नागरिकलाई खोप दिने लक्ष्य राखेको छ ।
Categorized in स्वास्थ्य