काठमाडौं । नक्कली शरणार्थी प्रकरणमा पक्राउ परेका १८ जना मध्ये १६ जनालाई जिल्ला अदालत काठमाडौंले पूर्पक्षको लागि थुनामा पठाउन आदेश दिएको छ ।
शुक्रवार भएको आदेशमा पक्राउ परेका पूर्व गृहमन्त्री बालकृष्ण खाँण, पूर्वमन्त्री टोपबहादुर रायमाझी लगायत १६ जनालाई थप अनुसन्धानको लागि पुर्पक्षमा पठाएको हो ।
सो प्रकरणमा आरोपी रहेका लक्ष्मी महर्जनलाई ५ लाख र टंककुमार गुरुङलाई १० लाख धरौटीमा छाड्न आदेश दिइएको छ । उनीहरु धरौटी बुझाएर रिहा भएका छ । अरुलाई भने आदेशअनुसार सुन्धारास्थित जगन्नाथ देवल, कारागारमा पठाएको छ ।
शुक्रवार न्यायाधीश प्रेमप्रसाद न्यौपानेको इजलासले तत्काल प्राप्त प्रमाणबाट प्रतिवादीहरु हाल कसूरदार होइन भन्न सकिने अवस्था नदेखिएको ठहर गरेको छ ।
Categorized in राष्ट्रिय
