काठमाडौं । ललितपुर महानगरपालिकाको मेयर (प्रमुख) मा नेपाली काग्रेसबाट निर्वतमान मेयर चिरिबाबु महर्जनले उम्मेदारी दर्ता गराएका छन ।
मेयर उम्मेदवारी दिएपछि प्रतिक्रिया दिदै उनले यो पटक १५ हजार भोटको मतान्तरले निर्वाचन जित्ने दावी गरेका छन । उनले भने,‘ मेरो आकंलन चाहि मैले हरिकृष्ण व्यन्जनकारलाई यो पटक चाही १५ हजार जति भोटको मतान्तरले जित्छु भन्ने मेरा आंकलन छ ।’
आफूलाई पार्टी सभापति देउवाले मेरो कामको मूल्यांकनको आधारमा टिकट दिएको बताएका छन । ‘महानगरवासीले मेरो कामको उच्च मूल्यांकन गर्नुभयो र यो कुरा पार्टी सभापति देउवाको कानमा पनि पुग्यो र शेरबहादुर देउवाजीले मैले गरेको कामको उद्घाटन उहाँले नै गर्नु भएको छ । तसर्थ उहाँको नजरमा चिरिबाबु महर्जन काम गर्न मान्छे हो । यसले महानगरलाई राम्रो पार्छ भन्ने उहाँको ठम्माई हो ।’ उनले भने ।
यस अघि पनि मेयर पद जितेका महर्जनको प्रतिस्पर्धीमा नेकपा एमालेका हरिकृष्ण ब्यन्जनकार छन । उनले एमालेबाट महानगरको मयेर मनोनयन दर्ता गरेका छन ।
२०७४ सालको चुनावमा उनले नेकपा एमालेका हरिकृष्ण व्यञ्जनकारलाई चिरिबाबुले २६ मते हराएका थिए ।
सत्ता गठबन्धनबीचको सहमति महानगरको उपमेयरमा नेकपा माओवादी केन्द्रका बाबुराज वज्राचार्यले मनोनयन दर्ता गरेका छन ।
Categorized in स्थानिय