१२ राजनीतिक दलले पाए चुनाव चिन्ह
काठमडौं । राष्ट्रिय सभा निर्वाचनमा भाग लिन निर्वाचन आयोगमा दर्ता भएका १२ राजनीतिक दलहरुले चुनाव चिन्ह पाएका छन ।
आइतबार बसेको आयोगको बैठकले ती राजनीतिक दलहरूलाई चिन्ह प्रदान गरेको प्रवक्ता एवं सहसचिव शालिग्राम शर्मा पौडेलले जानकारी दिए ।
अगामी माघ ११ गते हुन गईरहेको राष्ट्रिय सभा चुनवाको लागि प्रतिनिधि सभा सदस्य निर्वाचनमा समानुपातिक निर्वाचन प्रणालीतर्फ प्राप्त गरेको मतको आधारमा क्रम निर्धारण गरी चुनाव चिन्ह प्रदान गरेको आयोगले जनाएको छ ।
नेकपा एमाले, नेपाली कांग्रेस, नेकपा (माओवादी केन्द्र), राष्ट्रिय प्रजातन्त्र पार्टी, जनता समाजवादी पार्टी नेपाल, जनमत पार्टी, नेकपा (एकीकृत समाजवादी)ले चुनाव चिन्ह प्राप्त गरेका हुन ।
त्यसैगरी, नागरिक उन्मुक्ति पार्टी, लोकतान्त्रिक समाजवादी पार्टी नेपाल, नेपाल मजदुर किसान पार्टी, राष्ट्रिय जनमोर्चा र नेपाल समाजवादी पार्टीले चुनाव चिन्ह प्राप्त गरेका छन ।
Categorized in राष्ट्रिय
