१० लाख डोज कोभिसिल्ड खोप काठमाडौं आईपुग्यो
प्रकाशित: शनिवार, २३ असोज २०७८, १८ः३० बजे
- महानगरखबर
काठमाडौं । सरकारले भारतसँग खरिद गरेको १० लाख कोभिसिल्ड खोप शनिवार काठमाडौं ल्याईएको छ ।
गत फागुनमा भारतसँग खरिदका लागि अग्रिम रकम बुझाएको १० लाख डोज कोभिसिल्ड खोप बल्ल नेपाल आइपुगेको हो ।
भारतको सेरम इन्स्टिच्युटलाई २० लाख डोज खोपका लागि अग्रिम भुक्तानी गरेकोमा १० लाख डोज खोप आएको थियो भने बाँकी १० लाख डोज खोप आउन बाँकी थियो ।
कोभिडको दोस्रो लहर सुरु भएपछि भारतले उक्त परिणामको खोप आयात बन्द गरेको थियो । खरिद गरेको सात महिनापछि बाँकी १० लाख डोज काठमाडौं पुगेको हे ।
खरिदको खोप आएपछि मन्त्रालयले उक्त कोभिसिल्ड खोप एस्ट्राजेनेकाको पहिलो मात्रा खोप लगाएका व्यक्तिहरुलाई दिने तयारी गरेको छ ।
Categorized in स्वास्थ्य
