काठमाडौ । सरकारले १० अर्ब रुपियाँ पुँजी लगानी भएका उद्योगलाई प्रदेश स्तरबाटै स्विकृती दिने तयारी भएको छ ।
उद्योग, वाणिज्य तथा आपूर्ति मन्त्रालयमा गरिएको विभिन्न चरणको छलफलमा १० अर्ब रुपैयाँसम्म पूँजी भएका उद्योगलाई प्रदेशस्तरीय बोर्डबाटै स्विकृती दिन सक्ने गरी ऐन बनाउन लागिएको हो ।
उद्योग विभागका महानिर्देशक विनोदप्रकाश सिंहका अनुसार १० अर्ब रुपैयाँसम्मको लगानी प्रदेशस्तरीय वोर्डबाट स्विकृत गर्ने गरी छलफल भएको छ ।
अहिले १० करोड रुपैयाँसम्मको लगानी घरेलु तथा साना उद्योग विभागले स्विकृत गर्ने, १० करोड रुपैयाँदेखि २ अर्ब रुपैयाँसम्मको लगानी भए उद्योग विभागले र २ अर्ब रुपैयाँभन्दा बढी १० अर्ब रुपैयाँभन्दा सानो लगानी भए औद्योगिक प्रवद्र्धन बोर्डले स्विकृत गर्ने व्यवस्था छ ।
Categorized in बजार
