काठमाडौं । नेवाः देय् दबूले काठमाडौंको हातिसारस्थित रहेको पुरातात्विक ढुंगेधारा संरक्षण गर्न माग गरेको छ ।
दबूका अध्यक्ष नरेश ताम्रकारसहित एक टोलीले पुरातत्व विभाग सिंहदरवारमा एक ज्ञापन पत्र बुझाउँदै विभागको ध्यानकर्षण गराएको छ ।
काठमाडौं महानगरपालिका वडा नम्बर १ को किता नं. २६६३ मा उत्खन्न गर्दा भेटिएको ढुंगेधारा र अन्य पुरातात्विक अवेशषको संरक्षण नदेखिएकोमा दबुले चिन्ता व्यक्त गर्दै विभागले अविलम्ब सकारात्मक कदम चाल्न आग्रह समेत गरेको छ ।
उक्त कित्तामा घरधनीले धमाधम निर्माण कार्य गरिरहेकोले निर्माण रोकी थप अनुसन्धान गरी ढुंगोधारको अस्तित्वलाई संरक्षण गर्न ध्याकर्षण पत्रमा उल्लेख गरेको छ ।
पत्रमा भनिएको छ,‘ सम्पदा संरक्षणमा सम्पूर्ण नेवार समुदायको साथ समर्थन रहेन बचनवद्धता सहित पुरातत्विक ढुंगेधारा संरक्षणमा विभाग आफूलाई प्राप्त दायित्वप्रति प्रतिवद्ध र क्रियाशिल हुन अनुरोध गर्न चाहन्छौ ।’
Categorized in सम्पदा/संस्कृति
